कर्तव्य ज्यान मुद्धामा कारागार चलान भएका सिरानचोक गाउँपालिका–८ जौवारीका सञ्जित मगरले नागरिकता पाएका छन् ।
सोमवार प्रमुख जिल्ला अधिकारी तिर्थराज भट्टराई र प्रशासकिय अधिकृत दामोदर शर्माको टोली कारागार पुगेर उनलाई नागरिकता वितरण गरेको हो ।

अदालतमा राखेको धरौटी फिर्ता लिनका लागी नागरिकता आवश्यक परेपछि थुनुवा मगरले नागरिकताका लागी जेलर मार्फत कारागार कार्यालयमा निवदेन पेश गरेको कार्यालय प्रमुख गणेश भट्टराइले बताए ।

---

---

‘मगरको निवदेनसँगै उनका बुवा कुलमान मगरले सनाखत गरेर गाउँपालिकाको सिफारिस हामीलाइ बुझाउनुभयो,’ भट्टराइले भने, ‘हामीले नागरिकता उपलब्ध गराइदिन भनेर प्रशासनमा निवेदन र आवश्यक कागजात पेश ग¥यौ ।’

नागरिकताका लागी पेश भएको निवदेन र आवश्यक कागजपत्रको आधारमा मगरलाइ नागरिकता दिइएको प्रमुख जिल्ला अधिकारी भट्टराइले बताए । २०५७ सालमा जन्मिएका मगरलाई कर्तव्य ज्यान मुद्धामा जिल्ला अदालतले थुनुवा पुर्जी दिएर गत मंसिर ८ गते कारागार चलान गरेको थियो ।