गोरखा : गोरखा नगरपालिका–१० छेवेटारमा बहुउदेश्यीय भवन निर्माण भएको छ ।

आइओएम नामक अन्तराष्ट्रिय गैरसरकारी संस्थाले भवन निर्माण गरेको हो । एक करोड ६ लाख लागतमा निर्माण भएको भवनको सोमवार उद्घाटन गरिएको छ । गोरखा नगर प्रमुख राजनराज पन्त र आइओएमका नेपाल लोरेनाले संयुक्त रुपमा नवनिर्मित भवनको उद्घाटन गरेका हुन् । पाँच रोपनी जग्गामा निर्माण गरिएको उक्त भवन विपद प्रभावितलाई आश्रय दिने लगायतका सामाजिक काममा प्रयोग गर्न सकिने बताइएको छ । उद्घाटन कार्यक्रमकै अवसरमा संस्थाले विपदको समयमा प्रयोग हुने अत्यावश्यक यन्त्र उपकरण र सामग्री पनि हस्तान्तरण गरेको छ ।