असोज १३, गोरखा । नेपाली कांग्रेसको १४ औँ महाधिवेशन अन्तरगत प्रदेश क्षेत्रको अधिवेशन सम्पन्न भएको छ । दुइ संघिय निर्वाचन क्षेत्रका चार प्रदेश सभा क्षेत्रको अधिवेशन मंगलबार राती अवेर सम्पन्न भएको हो ।

निर्वाचन क्षेत्र नम्वर १ ‘क’ प्रदेशको सभापतिमा खुन प्रसाद रेग्मी बिजयी भएका छन् । उनका प्रत्यासी उमेदवार उत्तम अधिकारीलाई हराउदै रेग्मी बिजयी भएका हुन् । रेग्मीले २०५ मत प्राप्त गरेका छन् भने अधिकारीले १८९ मत ल्याएका छन् । उपसभापतिमा अर्जुन भट्टराई र कृष्ण प्रसाद रेग्मी निर्विरोध चयन भएका छन् । सचिवमा कृष्ण पन्त र भरत प्रसाद रेग्मी र सहसचिवमा गोविन्द बास्कोटा र सुवास थापा चयन भएको निर्वाचन समितिले जनाएको छ ।

निर्वाचन क्षेत्र नम्वर १ को ‘ख’ प्रदेशमा भने ठाकुर भट्ट सहित पदाधिकारी र सदस्य सर्वसम्मत चयन भएका छन् । जसको उपसभापतिमा बलराम ढकाल र मणिलाल गुरुङ, सचिवमा यमलाल लामिछाने र ऋषिराम लामिछाने, सहसचिवमा विश्वनाथ अधिकारी र समिर ढकाल चयन भएको निर्वाचन समितिले जनाएको छ । निर्वाचन क्षेत्र नम्बर २ ‘क’ प्रदेशमा दिर्गमान गुरुङ बिजयी भएका छन् ।

उनका प्रत्यासी उमेदवार भानुभक्त थापालाई ७५ मतले पछि पार्दै गुरुङ बिजयी भएका हुन् । गुरुङले १७९ मत ल्याएका छन् भने थापाले १०४ मत ल्याएका हुन् । उपसभापतिमा कमलादेवी देवकोटा र केदारनाथ देवकोटा बिजयी भएका छन् । उनीहरुले क्रमश १९० र १७७ मत ल्याएका छन् । उपसभापतिका अर्का उमेदवार गोकर्ण सिं बस्नेतले भने १०४ मत ल्याएका थिए । त्यस्तै सचिवमा सुरज श्रेष्ठ र प्रसान्त देवकोटा बिजयी भएका छन् । श्रेष्ठले २२४ र देवकोटाले १७९ मत प्राप्त गरेका छन् ।

सचिवका अर्का उमेदवार दिकपाल अधिकारीले भने ९३ मत ल्याएका छन् । सहसचिवमा १ ६७ मत ल्याएर सुजना श्रेष्ठ पन्त र १३७ मत ल्याएर किरण आले बिजयी भएका छन् । सहसचिव पदका लागी कृष्ण प्रसाद सोडारी र ज्ञान प्रसाद काराखेतीको पनि उमेदवारी परेको थियो । सोडारीले ९६ मत र काराखेतीले ८७ मत ल्याएका छन् । निर्वाचन क्षेत्र नम्वर २ ‘ख’ मा भने मतगणना जारी छ ।