पुस २५, गोरखा । गोरखा नगरपालिका–९ दलभन्ज्याङ स्थित खेलमैदानमा जारी ‘सातौ ओसन कप अन्डर १३ फुटवल प्रतियोगीता’ अन्तरगत शनिवार दोस्रो चरणका खेलहरु भएका छन् । दोस्रो चरण अन्तरगत पाँच खेल सम्पन्न भएको आयोजक द ओसन क्लबले जनाएको छ ।

पहिलो खेल बालमन्दिर मावि र सन्त जोसेफ बिच भएको थियो । उक्त खेलमा ३–० को गोल अन्तरले बालमन्दिर बिजयी भएको छ । मोर्डन सेकेण्डरी बोर्डिङ स्कुल र सरस्वती मावि आहाले बिच भएको दोस्रो खेलमा ५–१ को गोल अन्तरले मोर्डन बोर्डिङ बिजयी बनेको छ । तेस्रो खेल महेन्द्र मावि र रामशाह मावि बिच भएको थियो । उक्त खेलमा २–१ को गोल अन्तरले महेन्द्र मावि बिजयी भएको छ ।

रत्नराज्य मावि र शक्ति मावि बिच भएको चौथो खेलमा १–० को गोल अन्तरले रत्नराज्य मावि बिजयी बनेको आयोजक क्लबका अध्यक्ष अमित खत्रीले बताए । पाँचौ तथा अन्तिम खेल महालक्ष्मी मावि र गोरखा मनकामना बोर्डिङ बिच भएको थियो । उक्त खेलमा ४–२ को गोल अन्तरले महालक्ष्मी मावि बिजयी बनेको छ । अर्काे चरणको खेल मंगलवार हुने आयोजक क्लबले जनाएको छ ।