फागुन २६,गोरखा । आसन्न स्थानीय तहको निर्वाचनलाइ लक्षित गरी जनता समाजवादी पार्टी गोरखाले जिल्लाको दश वटा स्थानीय तहमा बिभिन्न कमिटीहरु गठन गरेको छ । बुधवार बारपाक सुलिकोट गाउँपालिकामा तेज बहादुर गुरुङको संयोजकत्वमा ८१ सदस्यीय निर्वाचन परिचालन समिति गठन गरिएको उक्त पार्टीले जनाएको छ ।

त्यस्तै गुरुङकै संयोजकत्वमा पाँच सदस्यीय आर्थिक परिचालन समिति र तीन सदस्यीय घोषणा पत्र तयारी समिति पनि गठन भएको पार्टीका जिल्ला सचिव विपिनचन्द्र ढकालले बताए । पार्टीको गाउँपालिका स्तरको भेलाले दिर्घमान गुरुङको संयोजकत्वमा नौ सदस्यीय प्रचार प्रसार समिति र लोक बहादुर गुरुङको संयोजकत्वमा २१ सदस्यीय यूवा परिचालन समिति पनि गठन गरेको छ ।

कार्यक्रममा पार्टीका जिल्ला अध्यक्ष यान प्रसाद भट्ट, रोहित पाण्डे लगायतको सहभागीता रहेको थियो । एघार स्थानीय तहमध्ये चुमनुव्री वाहेकका सबै पालिकामा कमिटीहरु गठन भइसकेको पार्टीका सचिव ढकालले बताए । चुमनुव्रीमा पनि छिट्टै कमिटी गठन गरिने र वडा स्तरसम्म विस्तार गर्दै लैजाने कार्यक्रम रहेको उनले जानकारी दिए ।