भाद्र ७, गोरखा ः बालमन्दिर माविमा अध्ययन गर्ने २४ जना विद्यार्थीलाई स्टेशनरीका सामाग्री वितरण गरिएको छ । लायन्स क्लव अफ गोरखा, लायन्स क्लव अफ गोरखा कालिका र लियो क्लव अफ गोरखाले विद्यालयमा अध्ययनरत अनाथ वालवालिकालाई कापी, कलम लगायतका सामाग्री प्रदान गरेको हो ।

लियो जिल्ला परिषद ३२५ जे नेपालका चियर पर्सन रामराजा थापाको जन्म महिनाको अबसर पारेर स्टेसनरीका सामाग्री बितरण गरिएको लियो क्लब अफ गोरखाका अध्यक्ष बालकृष्ण परियारले जानकारी दिए ।

क्लवका अध्यक्ष परियारको अध्यक्षतामा भएको कार्यक्रममा लियो एड्भाइजर श्याम वावु श्रेष्ठ, बालमन्दिरका प्रधानाध्यापक शिब थापा, क्लवका कार्यक्रम संयोजक तथा शिक्षा संयोजक रचना वसेल लगायतको सहभागीता रहेको थियो ।