गोरखाः दुइ साता अघि मनास्लु हिमपहिरोमा परी शंखुसभाका ३४ वर्षिय अनुप राइको मृत्यू भयो । उनको शव दुइ दिन पछि उद्धार भएको थियो । हिमपहिरोमा फसेका अन्यको भने उद्धार भयो । असोज दोस्रो साताको मनास्लु हिमालको क्याम्प ३ र ४ विचको हिमपहिरोमा फसेका १० जनाको उद्धार गरियो । यो वर्ष लगातार हिउँ पर्दा मनास्लु आरोहण प्रभावित बनेको छ । यो सिजनमा मनास्लु आरोहणका लागि ३८ आरोहण दलका ४ सय ४ जनाले अनुमति लिएका थिए ।

मनास्लु हिमालको क्याम्प १ र २ पिवचमा असोज तेस्रो साता गएको हिमपहिरोमा परि अर्का एक शेर्पा गाइडको पनि मृत्यू भएको छ । तिन साताको विचमा मात्र मनास्लु हिमालमा तिन जनाले ज्यान गुमाए । असोज दोस्रो साता नै अमेरिकी नागरिक हिलारी नेल्सनको पनि मनास्लु हिमालमा चिप्लीएर मृत्यू भयो । स्की गर्ने क्रममा नेल्सन हिमालबाट चिप्लीएर ५० मिटर खसेकी थिइन् । उनको पनि दुइ दिन पछि हेलिकप्टरबाट उद्धार गरिएको थियो । यस वर्ष मनास्लु हिमालमा लगातार हिउँ पर्दा आरोहण प्रभावित वनेको आरोहिहरु बताउँछन् । मनास्लु हिमाल आरोही मात्र होइन, पदयात्रामा गएका पर्यटक पनि दशैको वेला को लगातार बेमौसमी वर्षादले समस्यामा परे ।

वेमौसमी वर्षादले मनास्लु पदमार्गको ठाउँ÷ठाउँमा पहिरो जाँदा अप्ठारोमा परेको दुइ विदेशी र ६ नेपालीको हेलिकप्टरबाट चुमनुव्री गाउँपालिका–३ न्याकफेदिबाट उद्धार गरिएको थियो । बर्षाद पछि पहिरो खस्दा पैदलयात्रीले समेत समस्या झेले । चुमनुव्री गाउँपालिका–६ स्थित लोक्पा भिरमा घाइते अवस्थामा रहेका सुर्खेतका ३४ वर्षिय दिपक जिसिको पहिरो विचबाट चार दिन पछि उद्धार भयो । लोक्पा पहिरो विचमा ढुङ्गाको छेल लगाएर वसेका जिसिको प्रशासनको पहलमा गृहमन्त्रालयले आइतबार मात्र उद्धार गरेको हो । उनि विहिबार देखि पहिरो विचमै रात काटेका थिए । लोक्पा भिरबाट खसेको पहिरोले उनको खुट्टामा चोट लागेको छ ।

लगातारको वर्षाद पछि पदमार्गको ठाउँ ठाउँमा पहिरो खस्दा पदयात्रामा रहेकाहरुको यात्रा पनि जोखिम वन्न पुग्यो । केहि पर्यटक विचमै रोकिएर मौसम खुलेपछि गन्तब्यमा लागेका छन् । यो सिजनमा मनास्लु हिमाल आरोहण र मनास्लु क्षेत्रको पदयात्रा तथा लार्केपासका लागि विदेशी तथा स्वदेशी पर्यटक पनि मनास्लु क्षेत्र पुगेका छन् । मनास्लु क्षेत्र भ्रमणका लागि यो महिना उपयुत्त मानिन्छ । लोक्पा पहिरोका कारण पर्यटक चुम भ्याली अन्तरगत चुम्चेत र छेकम्पार पनि पुग्न सकेका छैनन् ।