गोरखा : दरवन्दि अनुसार कर्मचारी नहुँदा सेवा प्रवाहमा समस्या परेको आर्थिक वर्ष ०७८/०७९ को बार्षिक समिक्षा कार्यक्रमका सहभागीहरुले बताएका छन् ।

गत आर्थिक वर्षको प्रगति प्रतिवेदन प्रस्तुत गरेका केहि कार्यालय प्रमुखहरुले दरवन्दि अनुसार कर्मचारी नहुँदा योजना कार्यन्वयन, दैनिक प्रशासन तथा सेवामा असर परेको बताए । भएका कर्मचारी पनि आइटी मैत्री नभएका केहि कार्यलय प्रमुखहरुले बताए । अन्तिम समयमा विशेष कार्यक्रम संचालन गर्दा त्यस्ता कार्यक्रमको प्रभावकारी हुन नसकेको पनि उनिहरुको भनाइ छ । बुधबारको वार्षिक समिक्षामा विषगत कार्यालयहरुले आफ्नो प्रस्तुती राखेका थिए । गत आर्थिक वर्ष भएका गतिविधि र योजना तथा कार्यलय संचालनमा देखिएका समस्याका वारेमा उनिहरुले प्रस्तुती राखेका हुन् । वुधबारको समिक्षामा विकास विकास निर्माण सँग सम्वन्धित कार्यालयहरुको प्रस्तुती भएको थियो ।

केहि आयोजनाहरुले गति लिन नसकेकेको पनि कार्यक्रमका सहभागीले जिज्ञासा राखेका थिए । योजनाका समन्वयको अभाव देखिएको, अनुगमन पछि नियमन गर्ने सम्वन्धमा अस्पष्टता रहेको, स्रोत साधानको अभाव,, संघ प्रदेश र स्थानीय तह विच समन्वयको अभाव लगायतका गुनासो पनि सहभागीले गरेका थिए । कार्यक्रममा विभिन्न स्थानीय तहका प्रमुख तथा प्रतिनिधि, कार्यालयका प्रमुख तथा प्रतिनिधि र गण्डकी प्रदेशका सभामुख कृष्ण धितालको सहभागीता रहेको थियो ।