गोरखाः शहिद लखन गाउँपालिकाले पालिका भित्रको प्रहरी चौकिलाई विपद प्रतिकार्य सामाग्री वितरण गरेको छ ।

वुंकोट प्रहरी चौकी, घैरुङ्ग प्रहरी चौकी, मनकामना प्रहरी चौकि र राइनस प्रहरी चौकिलाई विपद प्रतिकार्य सामाग्री हस्तान्तरण गरिएको हो । राष्ट्रिय विपद जोखिम न्यूनिकरण तथा ब्यवस्थापन प्राधिकरण, सहमति नेपाल तथा गाउपालिकाको आर्थिक सहयोगमा उत्त सामाग्री वितरण गरिएको हो ।

तिन थान फायर फाइटिङ सुट, गमवुट, सस्क, ग्लोव, हेलमेट, टर्च, फेस मास्क, वाटर वोटल, रेस्क्यू रोप, स्ट्रेचर वेल्चा लगायतका सामाग्री वितरण गरिएको हो । वर्खा लागेसँगै आउन सक्ने विपतलाई लक्षित गरी सामाग्री वितरण गरिएको गाउपालिकाले जनाएको छ । करिव १५ लाख वरावरको सामाग्री वितरण गरिएको हो । उत्त सामाग्री विपदका वेला उद्धार तथा प्रतिकार्यका लागि प्रयोग हुने जनाइएको छ ।