गोरखाः सवारी ज्यान मुद्धामा एक जना पक्राउ परेका छन् । जेठ ३१ गते लुँइटेल भच्चेक सडक अन्तरगत सिरानचोक गाउपालिका–३ हर्मीमा वसको ठक्करबाट सिरानचोक गाउपालिका–३ ठानेश्वर वस्ने ७८ वर्षिय पुतली सार्कीको मृत्यू भएको थियो ।

घटना पश्चात फरार भएका पालुङटार नगरपालिका–४ लुइटेलका ३२ वर्षिय दिपक घर्तीलाई आइतबार पक्राउ गरिएको प्रहरीले जनाएको छ । घर्तीले चलाएको ना १ ख ६४६५ नम्वरको वसको ठक्करबाट पुतलीको मृत्यू भएको प्रहरीले जनाएको छ ।

घटना लगतै फरार भएका घर्तीलाई खोजतलासको क्रममा आइतबार धादिङ स्थित इलाका प्रहरी कार्यालय गजुरीको सहयोगमा पक्राउ गरि सोमबार सवारी ज्यान शिर्षकमा मुद्धा दर्ता गरि अनुसन्धान अघि वढाइएको जिल्ला प्रहरी कार्यालयले जनाएको छ ।