गोरखाः जिल्लाका ११ वटै स्थानीय तहले आगामी आर्थिक वर्षका लागि वजेट, निति तथा कार्यक्रम गाउँसभामा पेश गरेका छन् ।

गोरखा नगरपालिकाले आइतबार अनुमानीत एक अर्व ३२ लाखको वजेट नगर सभामा पेश गरेको छ । पालुङटार नगरपालिकाले ८३ करोड ८७ लाख २५ हजारको वजेट प्रस्तुत गरेको छ । धार्चे गाउपालिकाले पनि आइतबार ४८ करोड ५२ लाख ९१ ह्जार पाच सय वरावरको प्रस्तुत गरेको छ । धार्चे गाउपालिकाको १४ औँ नगरसभामा गाउपालिका अध्यक्ष लक्ष्मण गुरुङले निति तथा कार्यक्रम प्रस्तुत गरेका थिए । उपाध्यक्ष सुनिला गुरुङले आगामी आर्थिक वर्षको लागि पुजीगत तर्फ १७ करोड २७ लाख र चलाु खर्च तर्m ३१ करोड २५ लाख ९१ हजार पाच सयको वजेट तथा कार्यक्रम प्रस्तुत गरेकी थिइन् । आरुघाट गाउपालिकाले ५८ करोड १६ लाख १७ हजारको अनुमानित वजेट तेह्रौ गाउसभामा प्रस्तुत गरेको छ ।

गण्डकी गाउँपालिकाले आगामी आर्थिक वर्ष २०८०÷८१का लागि ६१ करोड रुपैयाँ बराबरको अनुमानित बजेट ल्याएको छ । गाउँ पालिकाले बजेट बेहोर्ने स्रोतका रूपमा आन्तरिक राजस्व, अन्तरसरकारी राजस्व बाँडफाँड तथा संघ र प्रदेशबाट प्राप्त हुने अनुदान रकमलाई आधार बनाएर बजेट सार्वजनिक गरिएको गाउँ पालिकाले जनाएको छ ।

अध्यक्ष दिपक तिम्लिसिनाले आगामी आर्थिक वर्षको बजेट मुख्य गरी कृषि र स्वास्थ्यमा केन्द्रित गरेर बजेट ल्याइएको बताए । जसअन्तर्गत कृषि उत्पादनलाई जोड दिँदै कृषि एम्बुलेन्स सञ्चालन गर्ने, स्वास्थ्यको हकमा सुत्केरी अशक्त र विपन्न नागरिक हरूको लागि निःशुल्क एम्बुलेन्स सञ्चालन गरिने छ । भौतिक निर्माणतर्फ वडा गौरवको आयोजना सञ्चालन गर्ने र त्यसमा ८ वटै वडाका लागि ५० लाखको दरले वडा गौरव आयोजना यस वर्ष पनि बजेटमा समावेश गरिएको अध्यक्ष तिम्लिसिनाले बताए । चुमनुव्री गाउापालिकाले असार ३ गतेको गाउँसभामा वजेट पेश गरिसकेको छ । जिल्लाका अन्य पालिकाले पनि आइतबार निति तथा कार्यक्रम र वजेट सार्वजनिक गरेका छन् ।