बालमैत्री नगरपालिका घोषणा गर्ने अभियान अन्तरगत वडा स्तरीय बाल भेला
गोरखाः पालुङटार नगरपालिकाले वडाहरुमा मेलमिलाप केन्द्र स्थापना थालेको छ । नागरिकलाई न्यायमा पहुँच सरल र सहज तरिकाले उपलब्ध गराउने अभिप्रायका साथ केन्द्र स्थापना थालिएको हो ।

मेलमिलाप केन्द्रको संस्थागत विकास गरि वडा स्तरबाट सेवा उपलब्ध गराउन केन्द्र स्थापना गरिएको नगरपालिकाले जनाएको छ । स्थानीय तहको विवाद स्थानीय तहमा नै निरुपण गर्ने उदेश्यका साथ न्यायिक समितिले न्याय निरुपण गर्दै आएको छ । नगरपालिकाले १० वटै वडामा मेलमिलाप केन्द्र स्थापना गर्ने जनाएको छ । हाल सम्म १, २ र ३ नम्वर वडामा केन्द्र स्थापना भइसकेको छ ।

मेलमिलाप केन्द्र स्थापना भएसँगै वडामा भएको विवाद वडामा नै मेलमिलाप गर्ने लक्ष्य राखिएको छ । वडामा निरुपण नभएका विषय भने पालिकाको न्यायिक समिति जाने नगरपालिकाले जनाएको छ ।

मेलमिलाप केन्द्रका लागि नगर क्षेत्रका १० वडामा २० जना सहजकर्ता रहेका छन् । केन्द्र स्थापना कार्यक्रममा नगर प्रमुख, उपप्रमुख लगायतका जनप्रतिनिधि, मेलमिलाप कर्ता तथा स्थानीयहरुको उपस्थिति रहेको थियो । त्यस्तै पालुङटार नगरपालिकाले तिन वटा वडामा वडा स्तरीय कृषक संजाल गरिसकेको छ ।

वडा नम्वर १, २ र ३ मा वडा संजाल गठन गरिएको हो । किसानका योजना, गुनासो सम्वोधनका लागि कृषक संजाल गठन गरिएको हो । त्यस्तै आगामी असार भित्र बालमैत्री नगरपालिका घोषणा गर्ने अभियान अन्तरगत वडा स्तरीय बाल भेला पनि भइरहेको छ ।

१० वटै वडामा बाल भेला गरि बाल क्लव गठन गर्ने नरपालिकाले जनाएको छ । मंसिर २५ गते भित्र सवै वडामा बाल क्लव गठन गर्ने नगरपालिकाले जनाएको छ ।