गोरखा ः पालुङटार नगरपालिका–७ च्याङली स्थित जीवन ज्योती माध्यामीक विद्यालयले स्कुल बस सेवा संचालनमा ल्याउने भएको छ विद्यार्थिहरुलाई आउ÷जाउमा सहजताका लागि विद्यालयले वस खरिद गरिसकेको छ ।

पालुङटार नगरपालिकाको २० लाख र वडा कार्यलयको १० लाख वस खरिदमा खर्च भएको छ । वस संचालनका लागि विमा लगायतका प्रक्रियाका लागि दुइ लाख ५० हजार खर्च भएको वडा नम्वर ७ का अध्यक्ष अर्जुन कुमालले जानकारी दिए ।

विद्यालयबाट दुरी टाढा भएका विद्यार्थीलाई वस सेवाले सहज वन्ने उनले बताए । जिवनज्योती माध्यमिक विद्यालयमा वडा नम्वर ६ र ८ का विद्यार्थी पनि अध्ययनका लागी जाने गरेका छन् । भौगोलिक रुपमा दुरी टाढा भएकाले विद्यार्थीलाई सहजताका लागि वस सेवा सुचारु गर्न लागिएको उनले बताए ।

‘एक देखि डेड घण्टा सम्म विद्यार्थी हिडेर विद्यालय आउनुपथ्र्यो, अव लामटारी देखिका विद्यार्थीलाई यो वस सेवाले सहज वन्ने अपेक्षा लिएका छौँ,’ उनले भने । विद्यालयमा लामटारी, कमलटार पौवाटार देखिका विद्यार्थी अध्ययनका लागि आउने गरेको विद्यालयका प्रध्यानाध्यापक वद्रीवहादुर पाण्डेले बताए ।

‘वस हिजो मात्र आइपुग्यो, वसलाई कसरी संचालन गर्ने भन्ने ब्यवस्थापन मिलाउनै वाकी छ,’ उनले भने । वस ब्यवस्थापनको शुल्क लगायतका वारेमा छिट्टै वैठक वसेर निर्णय लिइने उनले बताए । उत्त विद्यालयमा ८ सय ५० विदार्थी अध्ययनरत छन् । वस संचालनको रुट वारे पनि छलफलमै रहेको विद्यालयले जनाएको छ ।

यस अघि गोरखा नगरपालिका–९ को महालक्ष्मि माध्यमिक विद्यालयले पनि विद्यालय वस संचालन गरिसकेको छ । विद्यार्थी संख्या अधिक रहेका र भौगोलिक हिसावले विद्यालय सँग दुरी टाढा भएका विद्यार्थीलाई सहजताका लागि सामुदायीक विद्यालयहरुले पनि वस सेवा सुचारु गर्न थालेको छन् ।