गोरखा ः सिरानचोक गाउँपालिका–२ स्थित थालाजुङमा पशु स्वास्थ्य शिविर भएको छ ।

शिविरबाट १६ सय वढी पशुहरुकालागि औषधि वितरण भएको थियो । औषधि वितरण सँगै गोवर परिक्षण, पशुको माइनर शल्यक्रिया लगायतको सेवा उपलब्ध भएको सिरानचोक गाउँपालिकाका पशु सेवा प्राविधिक युवराज न्यौपानेले जानकारी दिए ।

भेटेरिनरी अस्पताल तथा पशु सेवा विज्ञ केन्द्रबाट खटिएका टोलीले शिविरमा पशु स्वास्थ्य समस्या तथा पशुमा देखिएका रोगको रोकथामको उपाय वारे कृषकलाई जानकारी गराइएका थिए ।

शिविरबाट १ सय १५ जना किसान लाभान्वीत भएका छन् । कार्यक्रममा केन्द्रकी प्रमुख शर्मिला कुमाल लगायतका पशु प्राविधिकहरुको सहभागीता रहेको थियो ।