गोरखा ः आगोलागीबाट क्षती पुगेको शहिद लखन गाउँपालिका–७ स्थित बुङकोट स्वास्थ्य चौकी भवन पुननिर्माणका लागि ४० लाख बजेट विनियोजन भएको छ ।

चैत १६ गतेको गण्डकी प्रदेश सरकारको प्रदेश विपद व्यवस्थापन समितिकोे बैठकले चालु अर्थिक वर्षमा कार्यन्वयन हुने गरि बजेट उपलब्ध गराउने निर्णय गरेको हो । स्वास्थ्य चौकिको भवन अघिल्लो जेठ महिनामा भएको आगोलागीले क्षती पुगेको थियो । स्टोर र आवासको लागि प्रयोग भएको भवनको माथिल्लो तलामा आगोलागीले क्षति पुगेपछि समस्या हुँदै आएको थियो । उत्त वजेटबाट भवनमा क्षती पुगेको भागको पुननिर्माण हुने जनाइएको छ ।
त्यस्तै शहिद लखन गाउँपालिका–७ स्थित काहुले खेलमैदान मर्मत लागि पनि १६ लाख बजेट विनियोजन भएको वडा अध्यक्ष शरण श्रेष्ठले जानकारी दिए । गाउँपालिकाका र वडा कार्यालयको समन्वयको खेलमैदान निर्माणका लागि वजेट उपलब्ध गराइदिन आग्रह गरेको थियो । गण्डकी प्रदेश सरकारकले सोमबार बसेको बैठकबाट उत्त बजेट विनियोजन भएकोे श्रेष्ठले जानकारी दिए । मैदानमा वाल लगाउने लगायतका स्तरोउन्तीको काम हुने उनले बताए ।