गोरखाः नेपाल रेडक्रस सोसाइटी गोरखाले आगोलागी प्रभावितका लागि राहत सामाग्री वितरण गरेको छ ।

बुधबार गोरखा नगरपालिका–५ ठुलोरिपमा जंगलमा लागेको आगो वस्ती पस्दा दुइ घर र एक गोठमा क्षती पुगेको थियो । १÷१ थान त्रिपाल, ६ वटा कम्मल, लत्ता कपडा, भाडाकुडा सेट, बाल्टी, डोरी लगायत सामाग्री सहयोग गरिएको रेडक्रसले जनाएको छ ।

रुपा राना र पार्वती रानालाई ३० हजार बराबरको सामाग्री वितरण गरिएका नेपाल रेडक्रस सोसाइटी गोरखा शाखाका सुवास घिमिरेले जानकारी दिए । आगोलागि भएको स्थलगत अध्ययन पछि आवश्यक सामाग्री वितरण गरिएको उनले बताए ।