गोरखा ः अन्तराष्ट्रिय नारी दिवसको अवसरमा भिमसेन थापा गाउँपालिकामा वडा स्तरीय खुल्ला लोक दोहोरी गित प्रतियोगिता भएको छ ।

प्रतियोगितामा भिमसेन थापाको वडा नम्वर ८ पहिलो, वडा नम्वर ३ दोस्रो, वडा नम्वर ७ तेस्रो र वडा नम्वर २ सान्तवना बनेका छन् । त्यस्तै अन्तराष्ट्रिय महिला दिवसको अवसरमा पालुङटार नगरपालिकाको आयोजना र वडा स्तरीय महिला सञ्जाल पालुङटार–७ को ब्यवस्थापनमा महिलाहरुको उद्यमशिलता विकास गर्ने उदेश्यले १ महिने ३ पाङ्ग्रे हलुका सवारी साधान चालक तालिम शुरु भएको छ । द रिभर साइड ड्राइभिङ एण्ड प्रि–टेष्ट सेन्टरमा भएको कार्यक्रममा वडा स्तरीय महिला स१जाल पालुङटार–७ की अध्यक्ष उषा पाण्डेको अध्यक्षतामा भएको थियो । कार्यक्रममा नगरप्रमुख विवस चिन्तन, उपप्रमुख वन्दा पाण्डे लगायतले मन्तब्य राखेका थिए । तालिममा वडा नम्वर ७ का २० जना महिलाहरुको सहभागीता रहेको छ । त्यस्तै धार्चेगाउँपालिकामा नारी दिवसको अवसरमा अन्तरक्रिया तथा नृत्य प्रतियोगिता भएको छ । ‘सवै महिला तथा बालिकाको लागिः अधिकार, समानता र शसत्तिकरण’ भन्ने मुल नाराका साथ प्रभातफेरी कार्यक्रम तथा महिला हिंसा न्यूनिकरणका लागि सरोकारवालाको भुमिका विषयमा अन्तरक्रीया कार्यक्रम भएको हो । नृत्य प्रतियोगितामा आमा समुह, महिला समुहले भाग लिएका थियो । प्रतियोगितामा वडा नम्वर ५ को धार्चे आमा समुह पहिलो, वडा नम्वर ७ को धार्चे सयपत्री महिला समुह दोस्रो, वडानम्वर ४ को धार्चे प्रगतिशिल समुह तेस्रो भएको छ । त्यस्तै बारपाक सुलिकोट गाउँपालिकामा ‘राष्ट्र निर्माणमा महिलाको योगदान’ विषयक वक्तृत्वकला प्रतियोगिता भएको छ । विभिन्न सागीतिक प्रस्तुती र म्यूजिकल चियर प्रतियोगिता पनि भएको थियो । त्यस्तै चुमनुव्री गाउँपालिकामा पनि विविध सचेतना मुलक कार्यक्रम साथ अन्तराष्ट्रिय नारी दिवस मनाइएको छ । विभिन्न पालिकाले स्तरमा नारी दिवसको अवसरमा कार्यक्रम भएको थियो ।