गोरखा ः गोरखा नगरपालिका–९ लक्ष्मीबजारमा शनिवार राती श्रीमानले श्रीमतीको हत्या गरेका छन् ।
स्थानीय २१ वर्षिय याकुव  परियारले १८ वर्षकी श्रीमती पूजा परियारको खुर्पाले घाँटी रेटेर हत्या गरेको प्रहरीले जनाएको छ ।

‘भान्छा र सुत्ने कोठा एकै ठाउँमा रहेछ,’ एसपी ओम अधिकारीले भने,  ‘राती करिव दश बजेतिर कोठाको चुकुल लगाएर दुवै सुत्ने तयारी गर्दै रहेछन्, श्रीमानले एक्कासी भान्छामा रहेको खुर्पाले श्रीमतीको घाँटीमा हानेछ ।’

---

---

घाँटीमा बारम्वार खुर्पा प्रहार गरी अन्तत रेटेर हत्या गरेको अनुसन्धानबाट खुल्न आएको प्रहरीले जनाएको छ । हत्याको आरोपमा याकुवलाई शनिवार  राती नै नियन्त्रणमा लिइएको  प्रहरीले जनाएको छ । उनलाइ आइतवार कर्तव्य ज्यान अन्तरगत मुद्धा दर्ता गरी थप अनुसन्धान     भइरहेको बताइएको छ ।

हत्याका आरोपित याकुव मानसिक रोगी भएको प्रहरीले जनाएको छ । ‘पहिले लागूपदार्थ पनि खादो रहेछ, अहिले मानसिक रोगको औषधी पनि प्रयोग गर्दाै             रहेछ, घटनाको थप अनुसन्धान हुदैछ,’ उनले भने । उनीहरुको गत मंसिर महिनामा मात्र विवाह भएको थियो ।