गोरखा ः सदरमुकाम स्थित  हरमटारी चोकमा रहेको हिमालयन गोरखा नेटवर्कको कार्यालयबाट टिभी र प्रेसर कुकर चोरेर फरार रहेका युवकलाइ प्रहरीले पक्राउ गरेको छ ।

ससुरालीबाट फर्कदै गरेका गोरखा नगरपालिका–१ ताप्लेका २१ बर्षिय भुवन नेपालीलाइ शुक्रवार पक्राउ              गरिएको प्रहरीले जनाएको छ ।

---

---

गत शनिवार राती कार्यालयबाट नेपाली टिभी र प्रेसर कुकर चोरेर भागेका थिए । ट्रक चढेर आवुखैरेनी जान लागेका नेपालीलाई बिशेष सूचनाको आधारमा हरमटारीचोक बाट पक्राउ गरिएको डिएसपी मित्रवन्धु शर्माले बताए ।

चोरी भएको टिभी समेत प्रहरीले फेला पारेको छ ।

गोरखा नगरपालिका–८ स्थित किरण थापाको घरको भुइतलामा निर्माणाधिन सेफ्टी ट्याङकीमा लुकाइराखेको अवस्थामा टिभी फेला परेको डिएसपी शर्माले जानकारी दिए ।