नेपाली कांग्रेस गोरखाले जिल्लाका ९ वटा पालिकामा एकै साथ प्रशिक्षण कार्यक्रम गर्ने भएको छ ।
संगठन सुदृढिकरण अभियान अन्तरगत यही मंसिर २८ गते कार्यक्रम गर्न लागेको कांग्रेस जिल्ला कार्यसमिति गोरखाका सचिव नन्द प्रसाद न्यौपानेले           बताए ।

कार्यक्रम हुने प्रत्यक पालिकामा एक एक जना केन्द्रिय सदस्य उपस्थित हुने उनले जानकारी दिए । गोरखा नगरपालिकामा गुरुराज घिमिरे, पालुङटार नगरपालिकामा   सुरेन्द्रराज पाण्डे, सिरानचोक गाउँपालिकामा मिन बिश्वकर्मा र अजिरकोट गाउँपालिकामा कल्याण गुरुङ उपस्थित हुने न्यौपानेले       बताए ।

---

---

बारपाक सुलिकोट गाउँपालिकामा डा. डिना संग्रौला, गण्डकी गाउँपालिकामा धनराज गुरुङ, शहिद लखन गाउँपालिकामा जिवन परियार, भिमसेन थापा गाउँपालिकामा चिनकाजी श्रेष्ठ र आरुघाट गाउँपालिकामा शंकर भण्डारीको उपस्थिती रहने बताइएको छ ।

कार्यक्रममा पार्टीको महासमिति बेठक पछि जारी संघिय बिधान, समसामयिक राजनितिक बिषय लगायतका बारेमा प्रशिक्षण दिइने न्यौपानेले बताए । कार्यक्रममा वडाका क्रियाशिल सदस्य, गाउँ कमिटि प्रतिनिधी लगायतको सहभागीता रहने छ ।

चुमनुव्री र धार्चे गाउँपालिकामा भने फागुन महिनामा कार्यक्रम गर्ने जिल्ला कार्यसमितिको आइतवार बसेको बैठकले निर्णय गरेको छ ।