कोरोना भाइरसको संक्रमण नहोस् भन्ने कामना गर्दै हनुमान चालिसा पाठ तथा हवन गरिएको छ ।
गोरखा नगरपालिका–६           छहरेमा रहेको गोरक्षनाथ बैदिक गुरुकुल प्राथमिक बिद्यालयका बिद्यार्थी (वटुक) हरुले बिद्यालय परिसरमा शनिवार हवन गरेका  हुन् ।

‘११ जना वटुकहरुबाट आज हवन गराएका हौ,’ बिद्यालयका प्राचार्य इश्वरी प्रसाद उपाध्यायले भने, ‘पाँच दिन देखि दैनिक हनुमान चालिसा पाठ पनि भइरहेको छ ।’

---

---

कोरोना संक्रमण न्यूनिकरण नभएसम्म दैनिक पाठ गर्ने उनले            बताए । ‘यो संक्रमण वायुबाट फैलिने हुदाँ वायुपुत्र हनुमानको पाठ गरेका हौ, बिहान र वेलुकी दैनिक आधा÷आधा घण्टा पाठ हुन्छ,’ उनले भने । उनका अनुसार बिहान पउने नौ र वेलुकी साँडे पाँच बजे पाठ गरिन्छ ।

कोरोनाको संकल्प पढेर हवन शुरु गरिएको गुरुकुलका ध्यान शिक्षक युवराज दाहालले बताए । ‘कोरोना महामारी भयः शान्त्यार्थम हनुमान चालिसा पाठ वंयम करिसे भनेर संकल्प सहित हवन गर्दै पाठ पढ्यौ, यो पाठ द्धारा राष्ट्र र विश्वमा विपत्ति नआओस् र अहिले महामारीको रुपमा फैलिएको यो भाइरस निवारण होस् भन्ने कामना गरेका छौ,’ उनले भने ।

कुनै पनि  महामारी फैलिएर संकट परेको बेला वायुपुत्र हनुमान चालिसाको पाठ गर्ने वेदमा उल्लेख रहेको उनले बताए । हवन गरे महामारी  निवारण समेत हुने धार्मिक विश्वास रहेको उनको भनाइ छ ।