गोरखा नगरपालिका वडा नम्वर १२ स्थित दश किलोमा रहेको महेन्द्र नमूना माध्यमिक बिद्यालयका शिक्षकहरुलाइ ल्यापटप वितरण गरिएको छ ।

नमूना माध्यमिक बिद्यालयको गुरुयोजना अनुसार संघिय सरकारबाट निर्णय भए बमोजिम बिद्यालयमा कार्यरत २९ जना शिक्षकलाइ ल्यापटप वितरण गरिएको बिद्यालयका सूचना अधिकारी मिन बहादुर नेपालीले बताए ।

---

---

‘यो गत आर्थिक बर्ष २०७६÷७७ को स्वीकृत कार्यक्रम हो,’ उनले भने, ‘कोरोनाका कारण गत बर्ष वितरण गर्न सकेका थिएनौ ।’ उक्त कार्यक्रमका लागी संघिय सरकारले गोरखा नगरपालिकालाई ५० लाख रकम विनियोजन गरेको थियो ।

सोही रकमले ल्यापटप खरिद गरेर वितरण गरिएको बिद्यालयले जनाएको छ । बिद्यालयको लेखा जोखा समितिका अध्यक्ष बुद्धि बहादुर कुमालको अध्यक्षतामा भएको कार्यक्रममा बिद्यालयका प्रधानाध्यापक गोपाल बाबु मरहट्टाले सबै शिक्षकहरुलाइ ल्यापटप वितरण गरेका हुन् ।

ल्यापटप पाएसँगै अनलाइन कक्षा देखि कक्षाकोठामा आइसिटिको माध्यमबाट पठनपाठन गराउन सहज हुने अपेक्षा शिक्षकहरुले गरेका छन् ।