आर्थिक अवस्था कमजोर भइ उपचारमा समस्या भएका मृगौला पिडित परिवारलाई सहयोग गरिएको छ ।

दुवै मृगौला फेल भएर हाल काठमाण्डौको शिक्षण अस्पताल महाराजगंजमा उपचाररत भीमसेन थापा गाउँपालिका–४ धावाकी ४० बर्षीया शर्मिला परियारको उपचारका लागी आर्थिक सहयोग गरिएको हो ।

---

---

सामाजिक संजाल मार्फत सर्मिला बचाउ अभियान चलाएर रकम संकलन गरिएको अभियान्ता बालकृष्ण परियारले बताए ।

‘अभियान मार्फत २ लाख ३७ हजार १८४ रुपैया संकलन भएको थियो,’ उनले भने, ‘वुधवार अस्पताल पुगेर पीडित महिलाका श्रीमानलाइ रकम हस्तान्तरण ग¥यौ ।’

देश बिदेशमा रहेकाहरुबाट उक्त सहयोग प्राप्त भएको उनले बताए । विगत तीन महिना देखी सर्मिला अस्पतालमा उपचाररत छिन् । मृगौला पीडित महिलाको मृटुमा समेत समस्या रहेको बताइएको छ ।

थप उपचारका लागि रकम अभाव रहेकाले पिडित परिवारलाई थप आर्थिक सहयोग गर्ने सहयोगीदाताहरुलाई परिवारलाई नै सम्पर्क गरेर सहयोग गरिदिन समेत आग्रह गरिएको छ ।