चाडपर्व लक्षित प्रहरीको बिशेष सुरक्षा योजना ःघटना भएको ५ मिनेटमै उपस्थिती
चाडपर्व लक्षित प्रहरीको बिशेष सुरक्षा योजना ःघटना भएको ५ मिनेटमै उपस्थिती
नजिकिदै गरेको चाडपर्वलाइ लक्षित गरी जिल्ला प्रहरी कार्यालयले बिशेष सुरक्षा योजना लागू गरेको छ ।
चाडवाडमा हुन सक्ने अपराधिक क्रियाकलाप तथा सवारी दुर्घटनालाइ लक्षित गरी बिशेष सुरक्षा योजना लागू गरिएको एसपी सुरेन्द्र बहादुर गुरुङले बताए ।
‘बजार क्षेत्रमा मात्रै २ सय भन्दा बढी प्रहरी खटिन्छन्,’ उनले भने, ‘ग्रामिण भेगमा आवश्यकता अनुसार खटाउछौ ।’ सादा पोशाकमा पनि प्रहरीहरु परिचालन गरिएको उनले जानकारी दिए । पिकेड, क्विक रेस्पोन्स टिम (क्यूआरटी) र मोवाइल गस्ती टोलि २४ सै घण्टा तयारी अवस्थामा राखिएको उनले बताए ।
‘हाइ वे चेकिङ, एम्वुसिङ, सरप्राइज चेकिङ, सिसिटिभि निगरानी लगायतका गतिविधिलाइ बढाएका छौ,’ उनले भने । कार्यालय मातहत रहेको प्रहरी युनिटहरुबाट क्रस पेट्रोलिङ समेत गराउने उनले जानकारी दिए ।
कुनै घटना भएको खवर आएमा बाटो म्याद वाहेक ५ मिनेट भित्र प्रहरी पुगिसक्ने गरी सुरक्षा व्यवस्था मिलाएको एसपी गुरुङले बताए । ‘घटना भएमा बजार नाकावन्दी गरेर चेकजाँच गर्ने व्यवस्था पनि मिलाएका छौ,’ उनले भने ।
जुवातासलाइ नियन्त्रण गर्न बिशेष योजना सहित अघि बढेको उनको भनाइ छ ।
