गोरखा टेलर व्यवसायी संघले आफ्नो स्थापना दिवसको अवसर पारेर बिद्यार्थीहरुलाइ बिद्यालय पोशाक वितरण गरेको छ । गोरखा नगरपालिका–६ छहरेमा रहेको बालमन्दिर माविमा अध्ययनरत २४ जना अनाथ बालबालिकालाई पोशाक वितरण गरिएको संघका महासचिव सोम अच्छामीले बताए ।

सोमवार बिद्यालयमा आयोजित एक कार्यक्रमका बिच संघका अध्यक्ष राजेन्द्र सिर्मलले बिद्यालयका प्रधानाध्यापक लुमनाथ लामिछानेलाई पोशाक हस्तान्तरण गरेका हुन् । सिर्मलको अध्यक्षतामा भएको कार्यक्रममा बिद्यालयका प्रअ लामिछाने, संघका सदस्य बालकृष्ण परियार लगायतले मन्तव्य राखेका थिए ।

त्यस्तै गोरखा नगरपालिका वडा नम्वर ९ आहाले स्थित सरस्वती माविमा अध्ययनरत १७ जना दृष्टिविहीन बिद्यार्थीलाइ पनि बिद्यालय पोशाक वितरण गर्ने प्रतिवद्धता संघले गरेको छ ।