प्रधानमन्त्री केपी शर्मा ओलीको प्रस्तावमा संसद बिघटन गरिएको प्रति जनता समाजवादी पार्टी गोरखाले बिरोध गरेको छ ।
बुधवार उनीहरुले जिल्ला सदरमुकाममा बिरोध प्रदर्शन गरेका छन् । हरमाटरीचोकबाट निकालिएको बिरोध ¥याली बिसौनी बसपार्क हुदै पुनः हरमटारीचोकमा पुगेर कोणसभामा परिणत भएको हो ।

कोणसभालाइ सम्बोधन गर्दै जसपाका केन्द्रीय सदस्य एंव गण्डकी प्रदेश सांसद हरिशरण आचार्यले संसद बिघटन गर्नु संविधान विपरित भएको बताए ।

---

---

संसद पुनस्र्थापना गर्न उनले माग समेत गरेका छन् । ‘जनताले पाँच बर्षका लागी सरकार संचालन गर्न मत दिएर पठाएको हो, तर उनीहरु तीन बर्ष पनि टिक्न सकेनन्,’ उनले भने । जसपाका केन्द्रीय सदस्य ज्ञानेन्द्र कुमाले देशमा परिवर्तन नचाहेर प्रधानमन्त्री ओलीले योजनावद्ध ढंगले संसद बिघटन गरेको बताए ।

अर्का केन्द्रीय सदस्य रमेश पोखरेलले वर्तमान सरकारले जनताको मतको कदर गर्न नसकेको बताए । प्रधानमन्त्री ओलीको कदमले विगतमा हासिल गरेको उपलब्धी समेत गुमेको धारणा राखे । कोणसभामा केन्द्रीय सदस्य रोहित पाण्डे, गोपाल बाबु श्रेष्ठ, जिल्ला अध्यक्ष नारायण खत्री, सचिव विपनचन्द्र ढकाल, युवा नेता मन बहादुर तामाङ लगायतले सम्बोधन गरेका थिए ।

ससंद पुर्नस्थापना नगरे सडक आन्दोलन चर्काउने उनीहरुले चेतावनी दिएका छन् ।