गोरखा नगरपालिका–१० स्थित बिरिञ्चोक सामुदायिक होम स्टेको भवन बन्ने भएको छ ।
निर्माण हुन लागेको भवनको वुधवार नगर प्रमुख राजनराज पन्तले शिलन्यास गरेका छन् ।

भवन निर्माणका लागी गण्डकी प्रदेशको उद्योग, पर्यटन वन तथा वातावरण मन्त्रालयले दश लाख रकम विनियोजन गरेको होम स्टे संचालक समितिकी अध्यक्ष सम्झना रानाले बताइन् । तारा गाउँ बिकासबाट पनि भवन निर्माणका लागी ६ लाख रकम प्राप्त भएको उनले जानकारी दिइन् ।

---

---

भवन निर्माणका लागी स्थानीय रत्न बहादुर रानाका परिवारले निशुल्क जग्गा उपलब्ध गराएका हुन् । भवन निर्माण भएसँगै आफ्नो संस्कृति झल्कने कार्यक्रमहरु गर्न सहज हुने अपेक्षा गरिएको छ ।

गत असोज ६ गतेबाट औपचारिक रुपमा शुरु भएको होम स्टे सेवा कोभिड–१९ का कारण बन्द रहेको थियो । केही दिनअघिबाट पुनः सेवा शुरु गरिएको अध्यक्ष रानाले बताइन् ।

उनका अनुसार हाल १९ घरधुरीमा होम स्टे संचालन गरिएको छ । एक पटकमा १०० जना सम्म पाहुना राख्न सक्ने उनले बताइन् ।

अन्य घरधुरीहरुलाइ पनि समावेश गराउने तयारी भइरहेको उनको भनाइ छ । पाहुनाका लागी बिशेष प्याकेजको व्यवस्था रहेको बताइएको छ । होमस्टेमा संकलित रकम मध्य १० प्रतिशत कार्यालय र केही प्रतिशत रकम सामाजिक कार्यमा खर्च गरिने रानाले बताइन्