नेपाल कम्युनिष्ट पार्टी (नेकपा) प्रचण्ड–माधव पक्षले निर्वाचन सम्बन्धी कार्यक्रम बहिष्कार गरेका छन् ।

जिल्ला निर्वाचन कार्यालयले बुधबार मतदाता नामावली अद्यावधी सम्वन्धि अन्तरक्रिया कार्यक्रमको आयोजना गरेको थियो । नेकपाका सचिवालय सदस्य यादव वस्नेतले कार्यक्रम स्थगित गर्न माग गर्दै विरोध जनाएका हुन् ।

वस्नेत नेकपा प्रचण्ड–माधव पक्षको तर्फबाट प्रतिनिधित्वग गर्दै कार्यक्रममा पुगेका थिए ।

‘निर्वाचन हुुनका लागि दल चाहिन्छ, दलले बहुमतको निर्णय मान्नु पर्छ । निर्वाचन कार्यालयले दलको बहुमत निर्णय किन मान्दैन,’ उनले भने, ‘निर्वाचन आयोगले जे निर्णय गरेको छ, जे क्रियाकलापहरु अगाडि बढाइरहेको छ, त्यो गलत छ ।’ निर्वाचन कार्यालयले अगाढि बढाएको गतिविधिलाई आफ्नो पार्टीले अस्विकार गरेको उनले बताए ।

‘निर्वाचन आयोगले गरेको निर्णय सबैधानिक रुपमा स्विकार गरेको पनि छैनौँ । त्यो पुरै असबैधानिक छ । त्यो निर्णय खारेज गर्नुछ,’ उनले भने ।

जिल्ला प्रशासन कार्यालयमा राजनितिक दलका प्रतिनिधि सहितको उपस्थितिमा जिल्ला निर्वाचन अधिकारी टेक बहादुर कोइरालाले निर्वाचनका कार्यतालिका बारे जानकारी गराएका थिए ।

बैशाख १७ र २७ गते सरकारले घोषण गरेको प्रतिनिधिसभाको मध्यावधी निर्वाचनको सन्दर्भमा भएको छलफल कार्यक्रममा सचिवालय सदस्य बस्नेतले सुरुमा नै विरोध जनाएका हुन् । अन्य दलले भने छलफलमा भाग लिएका छन् ।

https://www.facebook.com/2144147455799478/posts/2838641399683410/