चैत्र ३, गोरखा दुई महिना गोरखा संग्रहालय हप्ताको सातै दिन खुल्ला रहने भएको छ । यही चैत्र र बैशाख महिना भर कुनै पनि दिन संग्रहालय बन्द नहुने संग्रहालय प्रमुख नवराज अधिकारीले बताए । यसअघि मंगलवार र सार्वजनिक बिदाको दिन संग्रहालय बन्द हुदै आएको थियो ।

कोभिड–१९ का कारण प्रभावित बनेको पर्यटन क्षेत्रलाई चलायमान बनाउन हप्ताको सातै दिन संग्रहालय खुल्ला गर्ने निर्णय गरिएको उनले अधिकारीले बताए । पुरातत्व बिभागको अनुमतिमा उक्त निर्णय गरेको जानकारी गराउदै उनले यसले पर्यटन प्रवद्र्धनमा सहयोग पुग्ने अपेक्षा गरिएको बताए । न्यूनतम कर्मचारी परिचालन गरेर व्यवस्थापन मिलाउने तयारी भइरहेको उनको भनाइ छ ।

संग्रहालयमा हाल १२ वटा प्रद्धर्शनी कक्ष रहेका छन् । संग्रहालय अवलोकनका लागी बिद्यार्थीलाई दश, नेपाली पर्यटकलाई २५, सार्क राष्ट्रका नागरिकलाइ ५० र बिदेशी पर्यटकलाइ १०० रुपैया प्रवेश शुल्क तोकिएको छ । हप्ताको सातै दिन संग्रहालय खोल्दा संग्रहालय घुम्ने पर्यटकको संख्या बढ्ने बताइएकोछ