गोरखा : प्रथम भीमसेन थापा मसेल कप फुटबल प्रतियोगिता शुरु भएको छ । जलकन्या युवा क्लवको आयोजनामा भएको प्रतियोगिता भएको हो ।
प्रतियोगितामा पहिलो र दोस्रो हुनेले क्रमश ६१ हजार ५ शय र ३५ हजार ५ सय नगद पुरस्कारको साथमा शिल्ड, मेडल र प्रमाणपत्र पाउने छन् । उत्कृष्ट खेलाडी, सर्वाधिक गोलकर्ता, उत्कृष्ट गोलरक्षकका लागी पनि पुरस्कारको व्यवस्था गरिएको आयोजकले जनाएको छ । बैशाख ५ गते सम्म चल्ने प्रतियोगितामा २४ टिम सहभागी छन् ।

प्रतियोगिताका एक कार्यक्रमका वीच गाउँपालिका अध्यक्ष ईश्वर पाण्डेले प्रतियोगिताको उद्घाटन गरेका छन् । बिहीवार नृत्य प्रतियोगीता पनि भएको बताइएको छ । प्रतियोगितामा मनकामना युवा क्लब पहिलो, बृन्दावती माध्यामिक विद्यालय दोस्रो र दुल्लब माध्याविक विद्यालयको समूह तेश्रो भएका छन् । पहिलो, दोस्रो र तेस्रो हुनेले क्रमश ३ हजार, २ हजार र १५ सय नगद पुरस्कारको साथमा प्रमाणपत्र पाएका छन् ।