जेठ ३, गोरखा । नेपाल औषधी व्यवसायी संघ गोरखा शाखाले जिल्ला ट्राफिक प्रहरी कार्यालयलाई मास्क, सेनिटाइजर लगायतका स्वास्थ्य सामग्री वितरण गरेको छ ।

सोमवार संघका जिल्ला अध्यक्ष संगम बाबु श्रेष्ठले जिल्ला ट्राफिक कार्यालय गोरखाका इन्चार्ज मित्रलाल ढकाललाई तीन सय थान मास्क, एक सय मिलिलिटरको दश थान सेनिटाइजर स्प्रे, दश थान फेसशिल्ड र पञ्जा र ५ लिटरको एक ग्यालिन सेनिटाइजनर हस्तान्तरण गरेका हुन् ।

दुइ कार्टुन मिनिरल वाटर पनि वितरण गरिएको संघका जिल्ला अध्यक्ष श्रेष्ठले बताए ।