जेठ १६, गोरखा । कोभिड १९ रोकथाम तथा नियन्त्रणका लागि अग्रपंक्तिमा खटिने जिल्लाका स्वास्थ्यकर्मी, सुरक्षाकर्मी र सञ्चारकर्मीहरुलाई स्वास्थ्य सामग्री वितरण गरिएको छ ।

आईतवार सुुनचाँदी ब्यबसायी संघ गोरखाले सेनिटाइजर, माक्स, अक्सिमिटर लगायतका स्वास्थ्य सामग्री वितरण गरेको हो । जिल्ला अस्पताल गोरखालाई अक्सिमिटर १ थान, सेनिटाईजर १० लिटर, माक्स ५ सय थान, सावुन ४० थान, ग्लोब्स लगायतका स्वास्थ्य सामग्री वितरण गरिएको संघका महासचिव राजु बरालले वताए ।

त्यस्तै जिल्ला प्रहरी कार्यालय गोरखालाई सेनिटाईजर १० लिटर, अक्सिमिटर १ थान, माक्स ७ सय ५० थान, ग्लोब्स, सावुन १० थान र सानो सेनिटाईजर ३६ थान वितरण गरिएको उनले जानाकारी दिए । पत्रकार महासंघ गोरखालाई सेनिटाईजर ५ लिटर, माक्स ५ सय थान, अक्सिमिटर १ थान, साबुन ४८ थान, ग्लोब्स र सानो सेनिटाईजर ४८ थान स्वास्थ्य सामग्री वितरण गरिएको संघले जनाएको छ ।