असार ३०, गोरखा । सिरानचोक गाउँपालिकाले मानव सेवा आश्रम गोरखा शाखालाइ आर्थिक सहयोग गरेको छ । आश्रममा रहेका बालबालिका हरुको खानपानमा सहयोग पु¥याउने उदेश्यले एक लाख ५० हजार नगद सहयोग गरिएको गाउँपालिकाले जनाएको छ ।

मंगलबार एक कार्यक्रमका गाउँपालिका अध्यक्ष राजु गुरुङ, उपाध्यक्ष रिता देवकोटा र प्रमुख प्रशासकिय अधिकृत नेत्रमणी न्यौपानेले संयुक्त रुपमा उक्त रकम पत्रकार आत्माराम श्रेष्ठ मार्फत आश्रमलाइ हस्तान्तरण गरेका हुन् । हाल आश्रममा ४८ जना बालबालिका रहेका छन् ।

त्यस्तै गाउँपालिकाले आश्रमको नवनिर्मित भवनका लागी पनि सहयोग गर्ने प्रतिवद्धता जनाएको छ । भवनको एउटा कोठा बनाउँदा लाग्ने लागत बराबरको रकम आगामी आर्थिक बर्ष सहयोग गर्ने पालिका अध्यक्ष गुरुङले प्रतिवद्धता व्यक्त गरेका छन् ।