साउन ४, गोरखा । जिल्लामा कोरोना बिरुद्धको जोनसन खोप आएको छ । आइतवार १० हजार ३ शय ७० डोज खोप प्राप्त भएको स्वास्थ्य कार्यालयले जनाएको छ ।

उक्त खोप ५० देखि ५४ बर्ष उमेर समूहका नागरिक, ‘क’ र ‘ख’ वर्गका अपाङ्गता भएका व्यक्तिलाई लगाइने कार्यालयका खोप कोल्डचेन निरिक्षक ऋषिराम खत्रीले बताए । गण्डकी प्रदेश सरकारबाट प्राप्त भएको उक्त खोप जिल्लाका सबै स्थानीय तहमा वितरण गर्ने तयारी भइरहेको उनले जानकारी दिए ।

‘गोरखा नगरपालिकाले भोली देखि नै यो खोप दिन शुरु गर्ने भनेको छ,’ उनले भने, ‘गोनपालाई दुई हजार दश डोज खोप उपलब्ध गराएका छौ ।’ अन्य पालिकामा समन्वय भइरहेको उनले बताए । जोनसन खोप पहिलो डोज लगाएपछि दोस्रो लगाउनु नपर्ने कार्यालयले जनाएको छ ।