साउन १३ गोरखा । गोरखा नगरपालिका–३ मा बसोवास गर्ने कुमाल जातीका स्थानीयलाई पोशाक वितरण गरिएको छ । मंगलवार एक कार्यक्रमका बिच गोरखा नगरपालिकाकी उपप्रमुख बिना कुमारी श्रेष्ठले ४३ जना स्थानीयलाई पोशाक वितरण गरेकी हुन् ।

कुमाल जातीको भेषभुषा र पहिचान झल्कने खालको पटुका, पछ्यौरा, चौवन्दी चोलो, घलेक लगायतका पोशाक वितरण गरिएको नगरपालिकाले जनाएको छ । कुमाल जातीको भेषभुषा संरक्षणका लागी उपप्रमुख सवल नेतृत्व बिकास कार्यक्रम अन्तरगत पोशाक वितरण गरिएको बताइएको छ । उक्त क्षेत्रमा ६७ घरधुरी कुमाल बसोबास गर्छन् । बाँकीलाइ पनि छिट्टै पोशाक वितरण गरिने बताइएको छ ।

पोशाक वितरणले कुमाल जातीको भेषभुषा तथा संस्कृति संरक्षणमा समेत सहयोग पुग्ने अपेक्षा गरिएको छ ।