साउन १८, गोरखा । पालुङटार नगरपालिका–६ च्याङलीको लामाटारी स्थित पौवाटार–सेरा सडकखण्ड छेउको खाडलमा डुवेर १३ बर्षिया बालिकाको ज्यान गएको छ ।

खाडलमा जमेको पानीमा पौडी खेल्ने क्रममा आइतवार दिउँसो स्थानीय आशा तामाङको ज्यान गएको प्रहरीले जनाएको छ । गोठाले गएकी उनी साथीसँग पौडी खेल्न गएकी थिइन् । पौडी खेल्ने क्रममा डुवेको थाहा पाएर उद्धारका लागी स्थानीय गएका थिए ।

तर उनीहरु नपुग्दै बालिकाको मृत्यु भइसकेको डिएसपी प्रकाश दाहालले बताए । शव पोष्टमार्टमका लागी गोरखा अस्पताल ल्याइएको उनले जानकारी दिए ।