पुस २५, गोरखा । जिल्ला सहकारी संघ लिमिटेड गोरखाको २८ औ बार्षिक साधारण सभा तथा नवौ अधिवेशन सम्पन्न भएको छ । शनिवार भएको अधिवेशनले बाबुराम कोइरालाको अध्यक्षतामा नयाँ कार्यसमिति चयन गरेको छ ।

जसको बरिष्ठ उपाध्यक्षमा दुर्गा प्रसाद देवकोटा, उपाध्यक्ष रामबाबु श्रेष्ठ र मिना अधिकारी, महासचिव सरोज देवकाटा, सचिव मेन बहादुर अधिकारी, सहसचिव छन्द प्रसाद खनाल, कोषाध्यक्ष हरिराम अधिकारी र सहकोषाध्यष चेत कुमारी श्रेष्ठ चयन भएका छन् । सदस्यहरुमा महेन्द्र प्रसाद खनाल, टंक सारु, कृष्ण श्रेष्ठ, कमला बिक, रजनी मिया, मित्रा कुमारी परियार, अमृत कालाखेती, मित्र प्रसाद देवकोटा रहेका छन् ।

सदस्य खनाल केन्द्रिय प्रतिनिधीमा पनि चयन भएका छन् । अधिवेशनले सुजन कुवँरको संयोजकत्वमा पशुराम श्रेष्ठ र डिल्लीराम पनेरु सदस्य रहेको तीन सदस्यीय लेखा समिति पनि गठन गरेको छ । गोरखा नगरपालिकाका मेयर राजनराज पन्तको प्रमुख अतिथ्यतामा उद्घाटन कार्यक्रम भएको हो । कार्यक्रममा जिल्लाभरका ८९ वटा सहकारीका संस्थाका प्रतिनिधीहरुको सहभागीता रहेको थियो ।