चैत १७,गोरखा । उत्पादनमा आधारीत अनुदानलाई जोड दिने गण्डकी प्रदेशका भुमि ब्यवस्था, कृषि सहकारी तथा गरीवी निवारण मन्त्री चन्द्रवहादुर बुढाले बताएका छन् । वुधबार विभिन्न योजना अनुगमन पछि मन्त्री वुढाले पत्रकारसँगको कुराकानीमा किसानलाई वितरण गरिने अनुदन रकमको प्रभावकारीता वढाउने सन्दर्भमा छलफल भइरहेको बताए ।

‘आगामी आर्थिक वर्षबाट अनुदान वितरणमा सुधार गछौँ, उत्पादनलाई ध्यान दिएर अनुदान वितरण गर्न सके प्रभावकारीता पनि रहन्छ,’ उनले भने । प्रदेश सरकारले माछा उत्पादन वढाएर प्रदेशलाई आत्मनिर्भर वनाउने गरि मत्स्य ब्यवसाय प्रवद्र्धनको कार्यक्रम पनि गर्ने उनले बताए । कृषि र पशुपालनमा ब्यवसायीक उद्यमी वनाउने विषयमा सरकार अघि वढेको उनले बताए ।

मन्त्रालयले शुरु गरेका चक्लावन्दिको कार्यक्रम प्रभावकारी वनेको मन्त्री वुढाको भनाइ छ । नेपाली किसानले भारतको कृषि उपज सँग प्रतिस्पर्धा गर्नुपर्ने स्थिति रहेको उनले बताए । ‘किसानलाई प्रोत्साहन गर्न अनुदान दिएका छौँ, अनुदानको स्थिति के छ त्यस विषयमा पनि वुझ्दै छौँ,’ उनले भने । अनुगमनमा ग्रिनीङ रोगले सुन्तला ह्रास हुदै गएको किसानले गुनासो गरेका थिए । ग्रिनीङ छ वा छैन भनेर टेस्ट गर्ने मेसिनको वारेमा पनि किसानले चासो राखेका थिए ।