नेता तथा कार्यकर्ताहरुले एक आपसमा आरोप प्रत्यारोप नगर्न नगराउन आ–आफ्ना दलका नेता तथा कार्यकर्ताहरुलाई अपिल गर्ने

चैत २०,गोरखा । आसन्न स्थानीय तह निर्वाचनमा चुनावी तालमेलका लागि जिल्ला सक्तारुढ दल विच छलफल शुरु भएको छ ।
शुक्रबारको सक्तगठवन्धनमा रहेका चार दलको वैठकले जिल्ला संयन्त्र पनि गठन गरेको छ । नेपाली काग्रेसका सभापति नन्दप्रसाद न्यौपानेको संयोजकत्वमा संयन्त्र गठन भएको हो ।

संयन्त्रको सदस्यमा नेकपा माओवादी केन्द्रका लेखवहादुर थापा, नेकपा एकिकृत समाजवादीका यादववहादुर वस्नेत र जनता समाजवादी पार्टीका यान प्रसाद भट्ट रहेका छन् । वैठकले गठवन्धन दलहरु विच सुमधुर सम्वन्ध कायम राख्ने र जिम्मेवार नेता तथा कार्यकर्ताहरुले एक आपसमा आरोप प्रत्यारोप नगर्न नगराउन आ–आफ्ना दलका नेता तथा कार्यकर्ताहरुलाई अपिल गर्ने पनि निर्णय गरेको छ ।

संयन्त्रको अर्को वैठक चैत २१ गते वस्नेछ । उत्त वैठकमा संयन्त्रमा सहभागी दलले आ आफ्नो सांगठानीक अवस्थाको प्रतिवेदन पेश गर्ने पनि निर्णय भएको छ । स्थानीय निर्वाचनमा सरकारमा सहभागी गठवन्धनमा रहेका दलहरुका विचमा स्थानीय अवस्था र आवश्यकता वमोजिम तालमेल गर्ने निर्णय पश्चात जिल्लाका सक्तागठवन्धनका दलहरु पनि छलफलमा जुटेका हुन् ।

वैठकले केन्द्रिय संयन्त्रले दिएको निर्देशनलाई कार्यन्वयन गर्ने पनि निर्णय गरेको छ । स्थानीय तहको निर्वाचन आगामी वैशाख ३० लाई तोकिएको छ । निर्वाचन नजिकियसँगै दलहरुले चुनावकेन्द्रित गतिविधिलाई तिव्र पारेका छन् । गोरखामा ११ स्थानीय तह छ । जिल्लाका क्रियाशिल दलहरु जनभेटघाटमा ब्यस्त हुदा चुनावी चहलपहल वढेको छ ।