चैत २९,गोरखा । शहिद लखन गाउँपालिका–२ आरुवोटका महिलाहरुले ब्यवसायीक कागती खेति शुरु गरेका छन् । जनशक्ति अभाव तथा वाँदरले अन्नवाली खाएर दुख दिएपछि वाझिएका १ सय २५ रोपनी जग्गामा कागती खेती शुरु भएको हो । यहाँका स्थानीयले दुइ हजार भन्दा वढी विरुवा वाह्रमासे कागती (सुनकागती १) प्रजाति लगाएका छन् ।

जनजागृति कृषक समुहमा आवद्ध महिलाहरुले कागतीको नर्सरी पनि स्थापना गरेका छन् । नर्सरीमा सात हजार विरुवा रोप्न योग्य वनेको छ । गैडाकोट स्थित सहमति संस्था र लुथरन वल्ड रिलिफिको साझेदारी परियोजना मार्फत आरुवाटेमा कागति खेति शुरु भएको हो । उत्पादन गर्न सके कागतीको वजार राम्रो रहेको भन्दै स्थानीय उत्साहित छन् ।

‘वादरले दुख दिएर अरु अन्न वालि लगाउन पायनौँ, कागती लगाएपछि आम्दानी पनि राम्रो हुन्छ भन्ने लागेको छ,’ स्थानीय फुलमायाँ दर्लामीले भनिन् । ब्यवसायीक खेतीले आम्दानी पनि राम्रो दिनेमा स्थानीय आशावावदी छन् । आरुवोट गाउँलाई ब्यवसायीक रुपमा कागती खेति विशेष क्षेत्र वनाउने गरी समुदायलाई अर्थिक प्राविधिक सहयोग गरिएको सहमति परियाजना संयोजक शिव सुवेदीले बताए ।
स्थानीय महिलाहरुलाई विभिन्न तालिम, वस्तुगत सहयोग, सिंचाइ सुविधा विस्तारमा सहयोग भएको छ ।