बैशाख १२,गोरखा । मनोनयन दर्ताको पहिलो दिन आइतबार प्रमुख राजनितिक दलले उमेद्वारी दर्ताका गराएनन् । नेकपा एमाले, नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एकिकृत समाजवादी, राप्रपा लगायतका दलहरु आइतबार रात अवेर सम्म उमेदवार छनौटलाई अन्तिम रुप दिन गृहकार्यमा छन् ।

केहि पालिका र वडाको उमेदवार टुङगो लागेपनि राजनितिक दलले आधिकारीक रुपमा सार्वजनिक गरेका छैनन् । नेकपा एमालेले सोमबार पालिका प्रमुख उपप्रमुखका उमेदवार सार्वजनिक गर्ने जनाएको छ । नेपाली कांग्रेस भने केहि वडा र पालिका प्रमुख उपप्रमुखको उमेदवार टुङगाउन आइतबार राती अवेर सम्म छलफलमै छ ।

नेकपा माओवादी केन्द्र पनि उमेदवार छनौटलाई अन्तिम रुप दिने गृहकार्यमा छ । जनता समाजवादी पार्टीले सवै वडाहरु र पालिका प्रमुख उपप्रमुखको उमेदवार छनौट सकेपनि सोमबार सार्वजनिक गर्ने उत्त पार्टीले जनाएको छ । नेकपा एकिकृत समाजवादीले पनि उमेदवार छनौट टुङगाउन अन्तिम तयारीमा छ । राप्रापाले गोरखा नगरपालिकाको मेयर र उपमेयरको नाम टुङगाएको छ ।

मेयरमा रुद्रराज पाण्डे र उपमेयरमा सम्झना लामिछानेको नाम टुंगो लगाएको राप्रपाले जनाएको छ । सोमबार भ्रष्टचार नगर्ने कसम खुवाएर मनोनयन दर्ता गर्ने उत्त पार्टीले जनाएको छ । सवै राजनितिक दलले आज(सोमबार) उमेदवारी दर्ताको तयारी गरिरहेका छन् ।