मतदानको दिन सो केन्द्रमा मतदान गर्ने मतदाताहरु वाहेक अन्य वाह्य अनाधिकृत बयक्तिको प्रवेशमा पनि रोक

बैशाख २०,गोरखा । वैशाख २५ बाट जेष्ठ ७ गते सम्म राती ९.३० वजेबाट होटल रेष्टुरेन्ट खोल्न रोक लगाइएको छ । सोमबार वसेको निर्वाचन सुरक्षा सम्वन्धि सर्वदलिय वैठकले निर्वाचनको बेला होटल र रेष्टुरेन्ट साढे नौ वजे सम्म मात्र संचालन गर्न दिने निर्णय गरेको हो । मौन अवधिको समयमा जिल्ला भर मदिरा जन्य पदार्थको विक्रि वितरण तथा सवनमा पुर्ण रोक लगाउने वैठकले निर्णय गरेको छ ।

मतदानको दिनमा सो केन्द्रमा मतदान गर्ने मतदाताहरुवाकेह अन्य वाह्य अनाधिकृत ब्याक्तिको प्रवेशमा रोक लगाउने पनि वैठकले निर्णय गरेको छ । यस्तै राजनितिक दलहरुले सभा सम्मेलन र ¥याली एकै ठाउँमा र एकै समयमा नगर्न पनि भनेको छ । दलहरुले गर्ने सभा सम्मेलनको वारेमा स्थानीय प्रशासन र प्रहरीलाई जानकारी गराउन पनि अनुरोध गरिएको छ ।

सामाजिक सदभाव कायम राखेर प्रचारात्मक कार्यक्रमका गर्न भनिएको हो । सामाजिक सदभाव खलवलिने किसिमा कार्यक्रमहरुको अयोजना नगर्न सचेत गराइएको छ । बैठकमा सहभागी राजनितिक दलले निर्वाचनलाई स्वच्छ, मर्यादित र निष्पक्ष वनाउन आचार संहिता पालनामा प्रतिवद्धता जनाएका छन् ।

निर्वाचन शान्ति सुरक्षा खलवलिने गतिविधि भए नजिकको प्रहरी वा प्रशासनलाई खवर दिन पनि अनुरोध गरिएको छ । निर्वाचन अवधिभर जिल्लाका लागि आवश्यक पर्ने अत्यावश्यक वस्तु तथा सेवाको अभाव हुन नदिन उद्योग वाणिज्य संघ,चेम्वर अफ कमर्स लगायतका संघ सस्थाहरुले आवश्यक ब्यवस्था मिलाउने पनि सर्वदलिय वैठकले निर्णय गरेको छ ।