ज्येष्ठ ४,गोरखा । धार्चे गाउँपालिकाको अध्यक्ष उपाध्यक्षमा नेकपा माओवादी केन्द्र बिजयी भएको छ । अध्यक्षमा लक्ष्मण गुरुङ र उपाध्यक्षमा सुनिला गुरुङ निर्वाचित भएका छन् । यसअघिको निर्वाचनमा दुवै पदमा नेपाली कांग्रेसका उम्मेदवार बिजयी भएका थिए । प्रतिस्पर्धी उम्मेदवार नेपाली कांग्रेसका सन्त बहादुर गुरुङलाई १ हजार ८२५ को फराकिलो मत अन्तरले हराउँदै लक्ष्मण बिजयी भएका हुन् ।

लक्ष्मणले ३ हजार ७७१ मत ल्याएका छन् भने प्रतिस्पर्धी उम्मेदवार सन्त बहादुरले १ हजार ९४६ मत ल्याए । उपाध्यक्षमा निर्वाचित सुनिलाले ३ हजार ७७९ मत ल्याएकी छन् । उनकी प्रतिस्पर्धी उम्मेदवार नेपाली कांग्रेसकी फुल माया गुरुङले १ हजार ९७६ मत प्राप्त गरेकी हुन् । सात वटा वडा रहेको उक्त पालिकामा चार वटा वडा (१,२,४,५,७) माओवादी केन्द्र र दुई वटा वडाको अध्यक्ष (३,६) नेकपा एमालेले जितेको निर्वाचन अधिकृतको कार्यालयले जनाएको छ ।

त्यस्तै गोरखाको गण्डकी गाउँपालिका अध्यक्षमा नेकपा माओवादी केन्द्रका दिपक तिमिल्सिना निर्वाचित भएका छन् । ६ हजार ३२६ मत ल्याएर उनी निर्वाचित भएका हुन् । उनका प्रतिस्पर्धी उम्मेदवार नेपाली कांग्रेसका होम बहादुर रानाले ४ हजार ६५५ मत प्राप्त गरेका छन् । राना यसअघिको निर्वाचनमा पालिका अध्यक्ष निर्वाचित भएका थिए ।

उपाध्यक्षमा नेपाली कांग्रसकी ललिता अधिकारी निर्वाचित भएकी छन् । उनले ४ हजार ८२१ मत ल्याएकी छन् भने उनका प्रतिस्पर्धी उम्मेदवार जनता समाजवादी पार्टीका भीम नारायण श्रेष्ठले ४ हजार ४४ मत प्राप्त गरेका छन् । अधिकारी यसअघिको निर्वाचनमा पनि उपाध्यक्षमा निर्वाचित भएकी थिइन् । आठ वटा वडा रहेको उक्त गाउँपालिकामा माओवादी केन्द्रले ६ वडा, कांग्रेस र एमालेले एक÷एक वडा जितेका छन् ।

माओवादी केन्द्रले वडा नम्वर १,२,५,६,७,८, कांग्रेसले वडा नम्वर ३ र एमालेले वडा नम्वर ४ जितेको हो । ११ स्थनीय तह मध्ये मंगलबार सम्म ७ वटाको परिणाम सार्वजनिक भइसकेको छ । अजिरकोट, भिमसेन थापा, आरुघाट, शहिद लखन, बारपाक सुलिकोट गाउँपालिकको मतगणना सकिएको छ । गोरखा र पालुङटार नगरपालिका, सिरानचोक गाउपालिकाको मतगणना जारी छ । चुमनुव्री गाउँपालिकाको भने मंगलबार साँझ सम्म मतगणना शुरु भएको छैन ।