ज्येष्ठ १५,गोरखा । स्थानीय तह निर्बाचनमा उमेदवारी दिएका उमेदवारलाई निर्वाचन खर्च बुझाउन आग्रह गरीएको छ । जिल्ला निर्बाचन कार्यालय गोरखाले शनिवार समयसिमा तोकेर खर्च बिवरण बुझाउन ताकेता गरेको हो । स्थानीय तह निर्वाचन ऐन,२०७३ को दफा ४६ (४) तथा स्थानीय तह निर्वाचन नियमावली,२०७३ को नियम ४० मा स्थानीय तह सदस्य निर्वाचन र प्रत्येक उमेदवार र प्रतिनिधिले निर्वाचनको बेला भएको खर्च बिबरण बुझाउने प्रवधान छ ।

निर्वाचन परिणाम घोषण भएको ३० दिन भित्र निर्वाचन कार्यालयमा बुझाउनु पर्छ । जिल्लाको ११ वटै पालिकाको मत परिणम सार्बजनिक भइसकेको छ । जेठ एक गते अन्तिम परिणाम घोषणा भएको अजिरकोट गाउँपालिकाको उमेदवारहरुलाई जेठ ३१ गते सम्म निर्वाचन खर्च बिवरण बुझाउन समयसिमा तोकिएको छ ।

जेठ २ गते अन्तिम परिणाम घोषणा भएको आरुघाट गाउँपालिकाको असार १गते, गण्डकी गाउँपालिकाको असार २, गोरखा नगरपालिका असार ३, चुमनुब्री गाउँपालिकाको असार ३, धार्चेको असार २ गते सम्म खर्च बिबरण बुझाउन भनिएको छ । पालुङटार नगरपालिकाको असार ४ भिमसेनथापा गाउँपालिकाको असार १,बारपाक सुलिकोट गाउँपालिकाको असार ३, शहिद लखनको असार १, सिरानचोकको असार ४ गते खर्च बिवरण बुझाउन निर्बाचन कार्यालयले भनेको हो ।

गाउँ÷नगर कार्यपालिका सदस्यमा दलित वा अल्पसँख्यक पदमा उमेदवारी दिएका उमेदवारले समेत सो पालिकाको अन्तिम परिणाम घोषणा भएको मितिले ३० दिन भित्र निर्बाचन कार्यालयले आग्रह गरेको हो । बैशाख ३० गते सम्पन्न भएको स्थानिय तहको निर्वाचनको बिभिन्न पदमा १८ सय भन्दा बढिले उमेदवारी दिएका थिए । मतदाता नामावली खरीद, सवारी साधन ÷इन्धन,प्रचार सामाग्री, ढुवानी लगायतका खर्च शिर्षक बिवरण बुझाउनु पर्नेछ ।