गोरखाः चुमनुव्री गाउँपालिकाले गाउँपालिकाको केन्द्रमा रहेको सिर्दिवासको वुद्ध माध्यमिक विद्यालययमा माध्यमिक शिक्षकको दरवन्दि ब्यवस्था गर्न माग गरेको छ ।
शिक्षा, विज्ञान तथा प्रविधिमन्त्री देवेन्द्र पौडेलसमक्ष उनले मावि तहको शिक्षक दरवन्दिको ब्यवस्था र छात्रवृत्ति कोटा थप्न माग गरेको छन् । बुधबार सिंहदरबारस्थित शिक्षा मन्त्रालयमा मन्त्री पौडेलसँग भेट गरी प्रतिनिधिसभा सदस्य हरिराज अधिकारी र गाउँपालिका अध्यक्ष लामाले गाउँपालिकाको ३ वटा वडाका विद्यार्थी पढ्न आउने विद्यालयमा माध्यमिक तहको शिक्षक दरबन्दी नहुँदा पठनपाठनमा समस्या परेको बताए ।
‘चुमनुब्री गाउँपालिकाको सिर्दिबास, चुम्चेत र छेकम्पार अनि धार्चेको उहिया र हुल्चुक गाउँका विद्यार्थीले पढ्ने यस विद्यालयमा माध्यमिक तहको शिक्षक दरबन्दी छैन, त्यसैले मन्त्रीज्यूसँग दरबन्दी व्यवस्था गरिदिन भनेकाछौं’ अध्यक्ष लामाले भने । अध्यक्ष लामाले छात्रवृत्ति कोटा २०० वटा थप गरिदिन पनि मन्त्री पौडेललाई आग्रह गरेका छन् ।
भौगोलिक विकटताका कारण विद्यार्थीहरु दैनिक रुपमा घरदेखि नै आउन जान समस्या हुने भएकाले विद्यार्थीहरु विद्यालयकै छात्रबासमा बसेर अध्ययन गर्छन्
गाउँपालिकाका जनप्रतिनिधिको भेटमा शिक्षामन्त्री पौडेलले शिक्षक दरबन्दी र छात्रवृत्ति कोटा थप गर्न पहल गर्ने बताएको अध्यक्ष लामाले बताए ।