गोरखा ः अधिकाशं पसलमा मुल्यसुचि नराखिएको पाइएको छ । शुक्रबार भएको वजार अनुगमनको क्रममा अधिकाशं पसलमा मुल्यसुचि नराखेको पाइएको हो ।
सहायक प्रमुख जिल्ला अधिकारी कमलराज भण्डारी नेतृत्वको टोलीले शुक्रबार सदरमुकाम क्षेत्रमा वजार अनुगमन गरेको थियो । अनुगमनको खाद्यवस्तुको म्याद, मुल्य सुचि, पसल दर्ता, नापतौल लगायतका विषयमा टोलीले चासो देखाएका थिए । स्टेशनरी, कपडा, सुनचाँदी, होटल, भाडा, कस्मेटिक, किराना पसलको अनुगमन भएको हो । शुक्रबार मात्र २० वटा पसलको अनुगमन भएको थियो । वजार अनुगमनलाई निरन्तरता दिने अनुगमन समितिले जनाएको छ । शुक्रबारको अनुमगनमा सहायक प्रजिअ भण्डारी, उद्योग वाणिज्य संघ,चेम्वर अफ कमर्स र घरेलुका प्रतिनिधि लगायतको उपस्थिति रहेको थियो ।