असार २३, गोरखा ः उत्तरी गोरखामा खाद्यान्न ढुवानीका लागी ठेक्का आव्हान गरिएको छ ।
आगामी आर्थिक बर्ष २०७९्८० का लागी खाद्यान्न ढुवानी गर्न बोलत्रप आव्हान गरिएको खाद्य व्यवस्था तथा व्यापार कम्पनी लिमिटेड शाखा कार्यालय गोरखाले जनाएको छ ।

कार्यालयका अनुसार आगामी आवमा माछाखोला डिपोका लागी ५ सय र सिर्दिवास डिपोका लागी ३ हजार ५ सय क्विन्टल कोटा स्वीकृत भएको छ । सिर्दिवास डिपोका लागी २ हजार क्विन्टल गोरखाबाट र बाँकी १५ सय क्विन्टल तनहूँ स्थित बिमलनगरको कार्यालयबाट ढुवानी हुने कार्यालयका निमित्त प्रमुख शिव सुनारले बताए । ‘गत बर्ष जति कोटा स्वीकृत भएको थियो, यो बर्ष पनि त्यति नै छ,’ उनले भने । हाल सिर्दिवास डिपोमा ६ सय क्विन्टल चामल स्टक रहेको उनले जानकारी दिए । उनका अनुसार माछाखोला डिपो भने रित्तै छ ।

‘माछाखोला डिपोको चामल बिक्री हुदैन, गत बर्ष पनि स्वीकृत कोटामध्ये २ सय ८० क्विन्टल गाउँगाउँ डुलाउँदै बल्लतल्ल बेच्यौ,’ उनले भने । डिपोमा कर्मचारी समेत नुहँदा समस्या भएको उनले बताए । गत बर्ष तीन पटकसम्म ठेक्का आव्हान गरेपछि मात्र स्वीकृत भएको थियो । यसपटक भने समयमै ठेक्का स्वीकृत हुने कार्यालयले अपेक्षा गरेको छ ।