श्रावण ३, गोरखा ः उत्तरी गोरखाको चुमनुव्री गाउँपालिका–१ सामागाउँमा भएको चौथो मनास्लु कप फुटवल प्रतियोगीताको उपाधी साम्दो युवा क्लबले जितेको छ । आइतवार भएको फाइनल खलेमा स्याला स्कुललाई २–१ को गोल अन्तरले पराजित गर्दै साम्दोले उपाधी हात पारेको हो ।
उपाधी बिजेता साम्दो युवा क्लबले कप र मेडलको साथमा ८० हजार नगद पुरस्कार पाएको छ । उपबिजेता स्याला स्कुलले ४० हजार नगद पुरस्कारको साथमा मेडल प्राप्त गरेको छ । प्रतियोगीतामा तेस्रो बनेको सामागाउँ युवा क्लब ‘ए’ ले २० हजार नगद पुरस्कार प्राप्त गरेको छ । ल्हो युवा क्लबको आयोजनामा भएको प्रतियोगीतामा दश टिमको सहभागीता रहेको थियो ।

सन् २०१७ देखि हरेक बर्ष उत्तरी गोरखाको नुव्री क्षेत्रमा फुटवल प्रतियोगीता हुदै आएको साम्दोका स्थानीय निमा दोर्जेले बताए । उनका अनुसार नुव्री भित्रका युवाहरु बिच सुमधुर सम्बन्ध कायम राख्दै खेल क्षेत्रको बिकास गर्ने लक्ष्यका साथ सोनाम दोर्जे लामाले सन् २०१७ बाट फुटवल प्रतियोगिताको सुरुवात गरेका थिए । ‘त्यसैलाई निरन्तरता दिदै स्याला, सामागाउँ, साम्दो र ल्हो ले पालैपालो प्रतियोगीताको आयोजना गर्दै आएका छौ,’ निमाले भने, ‘कोभिडका कारण दुई बर्ष खेल गर्न सकिएन, यो बर्ष चाही ग¥यौ ।’ आगामी बर्ष चुम क्षेत्रलाई पनि समेटेर प्रतियोगीता गर्ने लक्ष्य रहेको उनले जानकारी दिए ।