श्रावण १९, गोरखाः लार्के सडकको ट्रयाक विस्तार सँगै उत्तरी गोरखाका स्थानीयलाई ढुवानीमा केहि हद सम्म सहज वनेको छ ।
हिउँद याममा दोभान सम्म ट्रक र वोलेरोबाट उपभोग्य सामाग्री ढुवानी हुदै आएको छ । बेनिघाट–आरुघाट, लार्केभञ्याङ सम्मको सडक खोल्ने जिम्मा पाएको नेपाली सेनाले पाङसिङ सम्म ट्रयाक खोल्दै छ ।

ट्रयाक खोलेर स्तरोन्नती भएको दोभान सम्म भने हिउँद यामममा पनि वोलेरो र ट्याक्टर सचालन हुदै आएको छ । ‘वर्खामा त समस्या छ, हिउँदमा त दोभानबाट गाडी पाउनु भनेको आधा दिन नै हिड्नुपरेन नी,’ सिर्दिवासका सोम गुरुङले भने । बर्खामा भने माछाखोला सम्म सवारी पुग्न पनि मुस्कील पर्ने गरेको उनले बताए । ‘ठाउँ–ठाउँमा पहिरो झर्छ, अहिले बर्खामा कतिखेर बाटो वन्द हुन्छ भन्ने कुरा नै थाहा हुदैन,’ उनले भने । हिउँद याममा दोभान सम्म गाडीमा पुग्दा उपभोग्य सामाग्रीको ढुवानी मुल्य पनि प्रति केजी आठ देखि १० रुपैयाँ सम्म सस्तीएको उनले बताए ।

२०७४ सालबाट काम शुरु गरेको नेपाली सेनाले ३२.५ किलोमिटर ट्रयाक खोलीसकेको छ । टूयाक खोल्ने र ट्रयाक खोलेको ठाउँमा स्तरोउन्नतीको कामलाई प्राथमिकता दिने नेपाली सेनाले बताउँदै आएको छ । उ्रत्त सडकको ९२ किलोमिटर ट्रयाक खोल्ने जिम्मा नेपाली सेनाले पाएको छ । चुमनुव्री गाउँपालिकामा सडक सञ्जाल विस्तार भएसँगै उपभोग्य सामाग्री ढुवानी र दैनिक आउजाउका लागि सहज वन्ने छ ।

अहिले खच्चडबाट दैनिक उपभोग्य सामाग्री गर्दा लागतको तेब्बर सम्म पर्ने गरेको छ । उत्त क्षेत्रमा धान खेती हुदैन । उत्तरी गोरखाका स्थानीयलाई दैनिक उपभोग्य सामाग्री खरिद गर्न गोरखाकै तल्लो वजारको भर पर्नु पर्ने वाध्यता छ