गोरखा :  नेपाल कम्यूनिष्ट पार्टी (क्रान्तिकारी माओवादी)ले मंसिर ४ को संसदिय निर्वाचन वहिष्कार गर्ने भएको छ ।

केन्द्रिय समिति र गण्डकी प्रदेश समितिको नितिलाई आत्मसाथ गर्दै उत्त पार्टीको सोमबारको वैठकले वहिष्कार गर्ने निति लिएको वैठक पछि जारी विज्ञेप्तीमा उल्लेख छ । ‘संसदीय ब्यवस्था प्रतिक्रियावादी ब्यवस्था हो, प्रतिक्रियावादी संसदीय ब्यवस्थालाई समुल अन्त्य गरि नेपालमा नयाँ जनवादी राज्यब्यवस्थ (संघीय जनगणतन्त्र) स्थापना गर्ने संकल्प प्रति दृढ र प्रतिवद्ध रही आएको सर्वविदितै छ,’ विज्ञेप्तीप्मा भनिएको छ ।

बर्तमान गठवन्धन सरकारले एम सि.सी, एस.पि.पि सम्झौता तथा नागरिक विधेयक जस्तो राष्ट्रघाती कदम मार्फत आफुलाई साम्राज्यवाद र विस्तारवादका असली मतियार देखाइ निर्वाचन जित्न साथ र सहयोग लिइरहेको क्रान्तिकारी माओवादीको आरोप छ । ‘गोरखाबाट अघिल्लो संघ र प्रदेशको निर्वाचनमा जितेर गएका प्रतिनिधिहरुले गोरखाली जनताको हितमा कुनै पनि ठोस र जनसेवाका कार्यक्रमहरु नगरेको, आफ्नो स्वार्थ पुर्तिका लािग कुनै कसर वाकीँ नराखेको, एमसिसि र एस पी पी सम्झौता तथा नागरिक विधेयक जस्ता राष्टघाती कदमहरुको सहयोगी वनेको र आसन्न निर्वाचनमा पनि पुन तिनै खलपात्रहरुले जित्ने संभावना देखिन्छ,’ विज्ञेप्तीमा भनिएको छ,’ ‘स्वच्छ, निश्पक्ष तथा धाँदलीरहित उदरवादी हिसावले निर्वाचन सम्पन्न गरिने कुनै पनि प्रकारको लक्षण र संभावना नरहेको बरु सक्ता र ब्यवस्थाको प्रतिनिधिहरु प्रस्तुत हुने स्थिति रहेको र त्यस प्रकारको तत्वहरु सित चुनावी प्रतिस्पर्धा गर्नुको कुनै अर्थ छैन ।

निर्वाचनमा पैसाको खोलो वगाउने, साधान स्रोतको चरम दुरुपयोग हुने उत्त पार्टीको आरोप छ । निर्वाचन वहिष्कारका लागि प्रचार–प्रसार, भण्डाफोर तथा जनजागरण तथा प्रतिरोधात्मक कार्यक्रम संचालन गर्ने पार्टी सेक्रेटरी अविरल द्धारा हस्ताक्षरीत विज्ञेप्तीमा उल्लेख छ ।